دجاج بالزيتون من المطبخ المغربي


المقادير:
دجاجة كاملة
زيتون أخضر تقريبا زبدية صغيرة
بهاارات ( زعفران كمون بهارات زنجبيل فلفل ) و الكمية براحتك
ملح
كاسة شاي زيت ذرة
بصلتين مبشورتين.

الطريقة

اول شي نجيب الدجاجة بعد ما نغسلها مننقعها بالخل و الملح و الماء شي نص ساعة، بعدين منغسلها و منحطها بالطنجرة و منحط فوقها ملح و كل البهارات المذكورة و الزيت و البصلتين المبشورتين

بدعكهم بالدجاجة كويس من جوا و من برا، و بعدين بحطها على النار تكون وسط و بقلبها علشان تتقلى شوي و بس يصفر لونها شوي بضيف ماء بارد ، طبعا ما بغمرها و بعدين بتركها تغلي و نغطي الحلة

بعد ما تستوي بحط الدجاجة بصينية الفرن بدون المرقة، و بحط الدجاجة بالفرن علشان نحمرها، و بهذه الاثناء بضيف الزيتون على المرقة المتبقية و بتركهم حتى يعقدوا شوي

و بعدين بحط الدجاجة المحمرة بطبق كبير و بضيف شوية مرقة فوقها مع الزيتون.... وصحة وهنا